მეორადი კომპიუტერული ნაწილების ყიდვა — რა ღირს და როგორ შევამოწმოთ

ახალი RTX ბარათი ხშირად მთელი კომპიუტერის ფასი ღირს — მეორადი ბაზარი კი იმავე წარმადობას გინახავს 30-50%-ით იაფად. მაგრამ სად გადის ზღვარი კარგ გარიგებასა და მომავალ თავის ტკივილს შორის? ეს გზამკვლევი გეტყვის, რომელი ნაწილის მეორადად ყიდვა ღირს, რომლის — არა, და როგორ შეამოწმო ყიდვამდე.

რომელი ნაწილები ღირს მეორადად

პროცესორი — ყველაზე უსაფრთხო არჩევანი. CPU-ს მოძრავი ნაწილები არ აქვს და ან მუშაობს, ან არა. თუ სისტემა ირთვება და სტრეს-ტესტს უძლებს, მეორადი Ryzen 7 ან Core i7 წლების განმავლობაში გემსახურება. მეორადი პროცესორები ჩვენთან ხშირად ახლის ნახევარ ფასად იყიდება.

ვიდეო ბარათი — საუკეთესო ფასი/წარმადობა, სწორად შემოწმების პირობით. ეს ყველაზე პოპულარული მეორადი ნაწილია და მიზეზიც ნათელია: 2-3 წლის წინანდელი ფლაგმანი დღესაც კომფორტულად ერევა თანამედროვე თამაშებს. რისკებზე და შემოწმებაზე — ქვემოთ.

ოპერატიული, ქეისი, გაგრილება — დაბალრისკიანი კატეგორიებია: RAM-ს MemTest86 ამოწმებს, ქეისს ვიზუალური დათვალიერება ჰყოფნის, კულერს — ვენტილატორის ხმა და ბრუნვა.

სად ვიყოთ ფრთხილად

კვების ბლოკი. ხანდაზმული ან უცნობი წარმოშობის PSU მთელი სისტემის რისკია — კონდენსატორები წლებთან ერთად ბერდება. მეორადი PSU მხოლოდ სანდო ბრენდის (Corsair, Seasonic, be quiet!) და შედარებით ახალი აიღე, ან პირდაპირ ახალი კვების ბლოკი შეიძინე — ეს ის ნაწილია, სადაც დაზოგვა ძვირი ჯდება.

მყარი დისკები. HDD/SSD-ს რესურსი აქვს: SSD-ზე ჩაწერილი ტერაბაიტები (TBW) და HDD-ის სამუშაო საათები CrystalDiskInfo-თი მოწმდება. „Caution” სტატუსის დისკი არავითარ ფასად არ ღირს.

როგორ შევამოწმოთ მეორადი ვიდეო ბარათი

• ვიზუალურად: დაზიანებული კონდენსატორები, დამწვრობის კვალი, დეფორმირებული კონექტორი — მაშინვე უარი;
• სტრეს-ტესტი: FurMark ან 3DMark მინიმუმ 15-20 წუთი — ტემპერატურა სტაბილურად 85°C-ს ქვემოთ უნდა რჩებოდეს;
• არტეფაქტები: ეკრანზე ციმციმი, ფერადი წერტილები ან ზოლები ტესტისას = მეხსიერების პრობლემა;
• დრაივერი და HWiNFO: გადაამოწმე რეალური მოდელი და BIOS — იშვიათად, მაგრამ ყალბი/გადაპროშივებული ბარათებიც არსებობს.

რატომ გვირჩევენ ჩვენ

Gamers.ge-ზე ყველა მეორადი ნაწილი გაყიდვამდე გადის სტრეს-ტესტს და მდგომარეობის შეფასებას („მეორადი”, „ახალივით”) — და ყველას მაღაზიის გარანტია ახლავს. ანუ მეორადის ფასს იხდი, მაგრამ უცნობი გამყიდველის რისკს არ იღებ. იხილე სრული კატალოგი ან ააწყვე სისტემა კონფიგურატორით — შეკვეთა: +995 599 088883.