GAMERS.GE — ყველაფერი PC Gaming-ისთვის

Gamers.ge-ის ისტორია 2017 წელს დაიწყო, თუმცა კომპიუტერულ ტექნიკასთან ჩვენი გამოცდილება უკვე 20 წელზე მეტს ითვლის.

თავიდან ყველაფერი რამდენიმე პროდუქტით დაიწყო — ტექნიკას ჯერ სახლიდან ვყიდდით, შემდეგ მანქანის საბარგულიდან და მეგობრის მაღაზიიდანაც. 2018 წელს კი Gamers.ge-ის პირველი მაღაზია გავხსენით.

იმ პერიოდში საქართველოში Gaming პერიფერიის არჩევანი თითქმის არ არსებობდა. ჩვენ ვიყავით პირველები, ვინც წამყვანი Gaming ბრენდების პერიფერიის ჩამოტანა დაიწყო — პირველი კლავიატურებიდან და მაუსებიდან დაწყებული, იმ დროისთვის იშვიათი 144Hz მონიტორებით დამთავრებული.

ასორტიმენტი ნელ-ნელა გავზარდეთ, მაგრამ პრინციპი იგივე დარჩა: ჩამოვიტანოთ ხარისხიანი, საინტერესო და ხშირად ისეთი ტექნიკა, რომელსაც ქართულ ბაზარზე სხვაგან ვერ იპოვი.

დღეს Gamers.ge მხოლოდ მაღაზია აღარ არის. სათამაშო, სარენდერო და საოფისე კომპიუტერებს ჩვენვე ვაწყობთ, ვეხმარებით არსებულის განახლებაში და გვაქვს საკუთარი სერვისი.

ონლაინ კონფიგურატორით კომპიუტერს თავადაც აწყობ, ნაბიჯ-ნაბიჯ. ასორტიმენტში გაქვს კომპიუტერები და ლეპტოპები, ყველა კომპონენტი დედაპლატიდან კვების ბლოკამდე, გეიმინგ პერიფერია, მონიტორები, სტრიმინგის ტექნიკა და აქსესუარები — და თუ რომელიმე მოდელი არ დაგხვდა, „მომიძებნე პროდუქტით” მოგიძებნით.

ამას ემატება Trade-In, სადაც ძველ ტექნიკას შევაფასებთ და მის ღირებულებას ახალში გამოიყენებ, და მუდმივად ცვალებადი იშვიათი პროდუქციის არჩევანი. ფიზიკური მაღაზია თბილისში, ქეთევან დედოფლის 53ბ-ზე გვაქვს.

ერთი კლავიატურით და ერთი მაუსით დავიწყეთ.
დღესაც ვეძებთ იმას, რაც სხვაგან არ არის.